Krimi-Dinner: Photos sin do

3x ass gespillt gin, a Verschiddener hun nach ëmmer nach net matkruut, ween dann lo de Märder ass.

Wann der iech nach emol an d’Stëmmung vun engem Owend zréck sëtzen wëllt, hei kënnt der d’Photos kucken.

(Hei all d’Informatiounen zum Krimidinner 2011)

Op Schéimerech 2012: Bäisssss mech….

Säit der Generalversammliung steet den Titel vum Stéck: Bäisssss mech  (mat 5 s!).

Vill méi ass nach net gewosst.

Mee eent steet elo scho fest : zu Kielen ginn et 2012 schwaarz-rout Zäiten.

A mir wëssen datt’s du bestëmmt intresséiert bass an där Equipe matzeschaffen!

Nee nee! Du brauchs dech net nach fir d’Gemengewahlen opzesëtzen.
Dofir ass et scho laang ze spéit; mee du kanns awer gären eng Hand mat upaaken.
Mir haaten dofir dann och eng Wahl, pardon, Informatiounsversammlung wou mer déi éischt Détailer vun der neier Produktioun bekannt ginn hun.

Wann du wëlls matschaffen, hannert der Bühn, beim Opriichten, Oofriichten, hannert dem Comptoir, oder wou och ëmmer, da so eis just Bescheed.
Am léiwsten mat enger Mail op: info@opscheimerech.lu
Oder iwwer den Telefon 661/166660 tëschent 19 an 21 Auer.

Mir freeën eis op Dech an op Schéimerech 2012…

Datumer wou gespillt gëtt: 19, 20, 21, 22, 25, 26, 27 an 28 Juli 2012.

De Comité ASBL Op Schéimerech.